De afgelopen weken heb ik deelgenomen aan de cursus Venloos laeze en schrieve van dialekvereiniging Veldeke. Deze cursus werd afgesloten met ons “Meisterstök”, waar we een stukje tekst in het Venloos moesten schrijven èn inspreken. Dat inspreken zal ik jullie besparen, maar ik zal hieronder wel mijn meisterstök publiceren.
Meisterstök – Boeremoos mit wórs
Nao maonde, nae, jaore van vergadere, veurbereide, ontwerpen, neije, paote, weer ein jaor wachte, opnieuw paote, alles weer opstarten, nae weer wachten, weer opstarten, paote, waar ’t intelijk zoeë wiet! Op eine kalde maar schoeën zaoterdaag in d’n loods van Leurs aan d’n Bótterstraot waar hae daor dan; d’n veurstelaovond van ’t boerebroelofsgezelschap van Zomerparkfees! Jao, Zomerparkfeest zonder ’t er veur, want de zaes netuurlijk ouk neet ’t Pinkpop.
Efkes truuek. Als fervent Parcaholic waar ‘t natuurlijk erg sjiek det twieë van mien favoriete dingen, vastelaovend èn Zomerparkfees samen zoeie gaon komme umdet Jocus ós als vreejwilligers van het park d’n organisatie van d’n boerebroelof 2021 had gegunt, in ós 44e jubileumjaor. Ik hald er van as cijfers in veelvouden van 11 kómme. Erg sjiek! Iers hadde we d’n ierste beejeinkomst, wao we aan koste gaeve of we mei deden en wat veur rol we veur ós eige in gedachte hadden. Door werk en andere umstandigheden kós ik helaas neet d’n tiéd die ik vond det ik er in moos stoppe vreejmake um ein rol in ’t klein gezelschap te nemen en koos ik dus veur ’t groeët gezelschap. Meihelpen in d’n sponsorkemissie, det leek mich waal wat. Richtig oét mien comfortzone, maar anders liér se noeits wat niets, neet?
Helaas stroeide ouk beej ós corona roet in ’t aete, dus det waar rap aafgeloupe. Aevel, nao twieë oétgestelde vastelaovonde en ondertösse d’n 44e editie van Zomerparkfees gehad te hebben aafgeloupe zomer begóste weej schoorvoetend aan weer ’t opstarten van d’n ganse póppekas. D’n motivatie waar wied te zeuke mot ik ierlik bekinne! Aevel, snel ware we weer waeg. ’t Waer steeds drökker op d’n app, we kómme d’r waal!
Wao ik waal meuite mei had waar ’t feit det alle tekste verkiérd gespeld waare, want netuurlijk moos alles op zien Jocus Venloos. En det is toch huuel waat anders dan d’n Veldeke spelling. Met eur hudjes op d’n o, wao det gewoeën ó had motte zien maar nog vaker; wao gaar gen accent op mót. Die kriége het zelfs span um dezelfde wäörd in einen tekst op verschillende maniere te spellen. Um van te bäöke is ‘t, veural as se juues op ’t zelfde moment eine cursus Venloos volgs. En zoeëas ós Bas haet gespraoke; “bin streng veur dichzelf, maar soepel veur anderen”! Dus, laot maar gewaere. Ik heb ’t waal geprobeerd huuer, toen ik ein schoeën e-mail um de sponsore veur de veurstelaovond te nuueje moog schrieve.. Maar helaas waer det genadeloos door ’t comité “gecorrigeerd” nao Jocus Venloos, want dao mótte weej ós aan conformeren. Maar ze veulde miene pién. Ouk zeej hadde dezelfde cursus Venloos ierder al ens gevolgd. Dus det leverde ein erg leuk gesprek op euver taal en spelling.
Snel vaerder nao d’n groeëte daag; d’n veurstelaovond. In d’n aanloup nao zaoterdaag is er d’n ganse waek kei hard gewerkt; van ’t opbouwe van d’n buun en alle techniek dae dao beej kump kiéke, ’t versieren van d’n zaal maar ouk de puntjes op de “i” zetten van de teksten, de letste dingskes regelen, ’t ging als eine trein, alsof we noeits twieë coronajaore gekos hadde! Op d’n daag zelf mochte weej als groeët gezelschap ouk aantraeje in ós boereploéte. Iers oefenen met ”ós Ien” die ’t klein gezelschap maonde, nae jaore getraint haet tot ’t fantastisch gezelschap waat ze noow zien. D’n generale rippetisie ging perfek! Snel bikke, d’n vetbak stond al klaor. Ein frietje met eine frikandel, eine klodder majonais, aafspeule met eine klep, d’n opstaeker opgepoetst met ’t vet van d’n friet, dan blinkt ‘t waat mier, weej ware er klaor veur! Snel nao achter en wachte tot d’n zaal volstruimp met minse.
Um 8 oor is ’t dan intelijk zoeë wied, begeleid door d’n Heiten Haspel kómme weej in ein groeëte stoet binne en loupe we door d’n minsenmassa nao d’n buun. Klein gezelschap er op, groeët gezelschap als eur groeëtste fans er veur. Snel wuuert er nog eine klep gescoord en zien we klaor veur ’t veurstelle. Groeëte verwondering veur ’t schoeën houtsnijwerk van d’n hieër Gribling senior, dae zich gegaeve haet um d’n scepter veur d’n ceremoniemeister te make. Hae had het zoeë schoeën gedaon det d’n ceremoniemeister zoeë van zien stök waar gebrach det hae gans vergoot um de aafgevaardigden van Jocus op d’n buun te roope um ’t zilver in ontvangs te nemen. Tiéd um veur te stelle! Idderein kwaam veurbeej, van d’n burgemeister, de kassamiepen, de opbouwers, de getuuege, de elders en zelfs d’n opperstalmeister! En netuurlijk ’t hoeëgtepunt; ’t broedspaar. Want waat is einen broelof zonder d’n broeëd en d’n broeëdegom? Nae, dan, er mót getrouwd waere! Nao ’t veurstelle noom d’n burgemeister, ein van de getuuege en ein van de wouten d’n microfoon en waar ’t tiéd veur ós boerebroelofsleed, “boeremoos mit wórs”. Ag, wat waar ’t schoeën!
En ’t zilver? Det kwaam gewoeën dao nao. Ik dink neet det die van Jocus ’t in de gate hadde, die zien namelijk neet zoeë good in spelle dus die hebben vas ’t program neet good gelaeze… 😉
Rowdy Schwachöfer, december 2022
Dit was een leuke opdracht, wel lastiger dan ik verwacht had. Ik ben iig tevreden met het resultaat en heb hoop nieuwe dingen geleerd, niet alleen mbt spelling, maar ook een stuk geschiedenis. Kers op de taart was de leuke groep aan medestudenten en het enthousiasme van de leraar. Als laatste wil ik jullie natuurlijk het nummer uit mijn meisterstök niet onthouden.
Wies vastelaovesdinsdaag op de Merret!
